رسالة sms السلام عليكم ورحمة الله وبركاته!!
هذه كلمات كتبتها بقلمي باللهجة الليبية.. فأرجو أن تعجبكم ^_^
(القذافي يخاطب الثوار)
أني معمر القذافي يا عيني عليكم!
جايين تقولوا برّا؟ حي يا ويلكم!
ولا ناسيين إن أني البابا بتاعكم؟
نص ربع يا جرذان مين حضرتكم؟
من وين طلعتولي تي والله مش وقتكم!
خلوني متهني وعيالي مش ناقصكم!
تعودت عالعز والعرش ولا نقول من فضلكم؟
تي كانا عليا واحد واحد نشدكم نفرمكم!
والله حسبتكم جبناء ما توقعتها منكم!
مش رضيتوا بالمذهلة والإهانة سنين حكمتكم؟
وقلتلكم كانا رئيس راهو الاستقالة على وجهكم!
ماني مهنّيكم بثورتكم وماني مخلّيكم!
تي جهنم وراي وراي فعلاش نسيّبكم؟
واحد واحد نقتلكم ومع هلكم نشرّدكم!
يا نهاري مزال مسكتوش وموقفتوش تي خيركم؟
قلبتوا الدنيا والعالم كله وقف معاكم!!
وخايف نعترف إني أخيراً انهزمت قدامكم!
لازم لعدد 3 مليون ليبي زي زمان نردكم!
تي هي الحفرة إلي فيها منّي قاعدة تعاني!
ومعاش قدّام الكاميرا زي زمان نوزّع ابتساماتي..
بنقعد شاد ولاصق لآخر يوم فحياتي!
ماني طالع وأني نقول هيا تحياتي..
والله كنتوا تعانوا وتوّا جا دوري أني نعاني!
غير تبصروا تي غير قولوا بلعاني!
(رد الثوار)
مزال مشبعتش سرقة في الفلوس؟
42 عام والله حظنا كان منحوس!
شوية فيك انتلوك وتحت رجلينا مرفوس!
ولا إنت وجماعتك فوق صغارك مهروس!
ما فهمناك من يهودي من مسيحي ولا هندوس!
تي والله ما ننسوا شهدائنا حاملينهم فوق الروس!
ولا ناسي إلي درته ولا خونا محمد نبّوس؟
قلنالك برا طير يا جرذ يا خنفوس!
لكن قتلتنا معناها القصاص حيكون بالموس!
إنت والحولي إلي ديما عليك ملبوس!
وتوا قاعد هياجة من حفرة لحفرة ومخروس!
وأخيراً شبحوا العالم.. إلي تحتك كان مدسوس!
وحني عارفينه.. وكل شيء كان مدروس!
يا قذافي يا جبان جايينك وين ما تحوس!
وأخيرا..
اليوم جبنالك كابوس..
وغدوا في الحبس محبوس..
بإذن رب الفردوس..
انضم إلى المنتدى ، فالأمر سريع وسهل
هو اولاده يااااااارب 
